ताज्या घडामोडी
डॉ.निलम गोऱ्हे यांनी घेतले कोळीसरे लक्ष्मी-केशव देवस्थानचे दर्शन
जाकादेवी/वार्ताहर:-रत्नागिरी तालुक्यातील कोळीसरे येथील सुप्रसिध्द असलेल्या लक्ष्मी-केशव प्रसिद्ध देवस्थानाला विधान परिषदेच्या उपसभापती डॉ.निलम गोऱ्हे यांनी भेट देऊन भक्तीभावे दर्शन घेतले
यावेळी डॉ.निलम गोऱ्हे यांचे शाल, बुके देऊन वाटद गटाच्या जिल्हा परिषद सदस्या,माजी समाज कल्याण समिती सभापती सौ.ऋतुजा राजेश जाधव यांनी स्वागत केले.यावेळी माजी जिल्हा संघटक शिल्पाताई सुर्वे, जिल्हा नियोजन समिती सदस्य प्रकाश साळवी,राजेश जाधव उपस्थित होते.यावेळी धार्मिक, सामाजिक क्षेत्रातील माहिती,स्थळांची खास वैशिष्ट्ये स्थानिक पातळीवरील नागरिकांकडून समजून घेतली.
डॉ.निलम गोऱ्हे यांच्या धार्मिक स्थळांच्या भेटीमुळे संपूर्ण कोकणात भाविकांमध्ये चैतन्यमय वातावरण निर्माण झाले आहे.