मिळकत कराच्या वसुलीसाठी तळेगाव दाभाडे नगरपरिषदेमार्फत धडक मोहिम..

मिळकत कराच्या वसुलीसाठी तळेगाव दाभाडे नगरपरिषदेमार्फत धडक मोहिम..

भोगवटादराने ३१ मार्च २०२३ अखेर थकीत कराची रक्कम नगपरिषदेकडे जमा न केलेस, कायदेशीर प्रक्रिया अवलंबून जाहीर लिलाव प्रस्तावित करणेचे नगरपरिषदेचे नियोजन. विजयकुमार सरनाईक. मुख्याधिकारी. त.दा.न.प.

आवाज न्यूज : तळेगाव दाभाडे, प्रतिनिधी, ५ जानेवारी,२०२३.

नगरपरिषदेचे मालमत्ता कराचे मोठे थकबाकीदार यांना जप्ती वॉरंट बजावलेनंतरही कराची थकीत रक्कम न भरणाऱ्या थकबाकीदारांच्या मिळकत सिल करणेची प्रक्रिया दि. १२ डिसेंबरपासून नगरपरिषदेमार्फत सुरु करण्यात आलेली होती.

मागील महिन्यामध्ये नगरपरिषदेने ज्या मिळकतींची रक्कम रुपये ५००००/- पेक्षा जास्त मिळकतकराची थकबाकी आहे, अश्या एकूण ५९३ मिळकतींना जप्ती वॉरंट बजावलेले आहेत. याअंतर्गत ३१ डिसेंबर अखेरपर्यंत शहरातील ५३ रहिवासी मालमत्ता व २० बिगर रहिवासी मालमत्ता अशा एकूण ७३ थकबाकीदार यांच्या मालमत्ता अटकावून ठेवलेल्या आहेत.

अटकावून ठेवलेल्या किंवा जप्त केलेल्या मालमत्तेच्या मालकाने / भोगवटादराने ३१ मार्च २०२३ अखेर थकीत कराची रक्कम नगपरिषदेकडे जमा न केलेस महाराष्ट्र नगरपरिषद, नगरपंचायती व औद्योगिक नगरी अधिनियम १९६५ चे कलम १५२ ते १५६ सदर मिळकतींचा योग्य कायदेशीर प्रक्रिया अवलंबून जाहीर लिलाव प्रस्तावित करणेचे नगरपरिषदेचे नियोजन आहे.

सन २०२२-२३ अखेरपर्यंत मिळकत कराचे १००% उद्दिष्ट गाठणेसाठी नगरपरिषदेमार्फत श्री. विजय शहाणे व श्री. तुकाराम मोरमारे यांचे नियंत्रणाखाली २ वसुली पथक नियुक्त करणेत आलेले आहेत. जप्ती वॉरंट बजावलेपासून या पथकामार्फत एक कोटी एक्याऐंशी लाख रुपये रक्कम थकीत मिळकत करापोटी वसूल करण्यात आलेले आहेत.

आता रक्कम रुपये १००००/- पेक्षा अधिक थकीत मिळकत कर असलेल्या थकबाकीदारांना नगरपरिषद जप्ती वॉरंट बजावुन पुढील कार्यवाही सुरु करणार असलेचे मुख्याधिकारी विजयकुमार सरनाईक यांनी सांगितले. तरी जप्तीची व मिळकत सिल करणेची कटु कारवाई टाळणेसाठी मिळकतधारकांनी आपले कराची रक्कम त्वरित नगरपरिषदेमध्ये जमा करावी.