मावळातील गावठी दारू हातभट्टीवर शिरगाव पोलिसांची धडक कार्यवाही.. १ लाख ६२ हजारांचा कच्चा माल केला नष्ट. दोन महिला पोलिसांच्या ताब्यात Shirgaon police action on liquor kiln in Maval. Raw materials worth 1 lakh 62 thousand were destroyed. Two women in police custody आवाज न्यूज : मावळ प्रतिनिधी ६ मे. चांदखेड येथील कासारसाई धरण परिसरात गावठी दारू भट्टीवर शिरगाव पोलिसांनी छापा टाकला असून यामध्ये दोन महिलांना ताब्यात घेतले आहे. गुरुवारी, सकाळी १० वाजण्याच्या सुमारास केलेल्या या धडक कारवाईत पोलिसांनी २ हजार लिटर दारू बनवण्याचे कच्चे रसायन व इतर मुद्देमाल असा एकूण १ लाख ६२ हजार किंमतीचा मुद्देमाल नष्ट केला. शिरगाव-परंदवडी पोलिसांनी दिलेल्या माहितीनुसार, मावळ तालुक्यातील कासारसाई धरण परिसरात दारूभट्टी सुरू असल्याची माहिती पोलिसांना मिळाली होती. त्यानुसार पोलिसांनी येथे छापा टाकला. पोलीस नाईक घाडगे, नागर गोजे, पोलीस कॉन्स्टेबल फडतरे आणि महिला पोलीस गावकर आणि चव्हाण यांनी गुरुवारी ही कारवाई केली. यामध्ये २ हजार लिटर दारू बनवण्याचे कच्चे रसायन व इतर मुद्देमाल असा एकूण १ लाख ६२ हजार रुपये किंमतीचा मुद्देमाल नष्ट केला. या कारवाईवेळी कुसगावचे उपसरपंच सागर केदारी, पोलीस पाटील बाळासाहेब गायकवाड, मा. उपसरपंच उमेश केदारी, निलेश केदारी, युवराज केदारी, अतिश गायकवाड, राजू केदारी आदी ग्रामस्थ उपस्थित होते.
