शेलारवाडी : ‘कांदा मुळा भाजी,अवघी विठाबाई माझी’ असे म्हणत ‘कर्म हाच देव’ असे मानणाऱ्या थोर संत सावतामाळी महाराज यांची ७२६ वी पुण्यतिथी शेलारवाडी ता.मावळ येथे मोठ्या उत्साहात साजरी करण्यात आली.
सकाळी श्री.संत सावतामाळी मित्र मंडळाच्या वतीने श्री.सावतामाळी महाराजांच्या मुर्तीला अभिषेक करण्यात आला. बाळासाहेब माळी यांनी मंदिरास फुलांनी सजवल्याने वातावरणात प्रसन्नता आली होती.दुपारी वड,चिंच,बोर,पिंपळ,लिंब अश्या २५ वृक्षांचे वृक्षारोपण शेलारवाडी येथील पवित्र इंद्रायणी नदी तीरावर करण्यात आले.
वृक्षारोपण केलेल्या सर्व रोपांना वेळोवेळी खत व पाणी देऊन त्यांचे जतन व संवर्धन करणार असल्याचे मत योगेश माळी व किशोर माळी यांनी व्यक्त केले.भविष्यात मंडळाच्या वतीने रक्तदान शिबीर आयोजित करुन समाजकार्य जोपासण्याचा मनोदय मंडळाच्या वतीने व्यक्त करण्यात आला
सायंकाळी मंदिरासमोर सत्यनारायणाच्या महापुजेचे आणि प्रसादाच आयोजन करण्यात आले. रात्री शेलारवाडी ग्रामस्थ भजनी मंडळ यांचे सुश्राव्य भजन झाले.
पुण्यतिथी सोहळा यशस्वी होण्यासाठी सर्वश्री सुहास माळी,उत्तम माळी,विनोद माळी,संजय माळी,अंकूश माळी,शरद माळी,चंद्रकांत माळी,मृणाल माळी,राजूशेठ माळी,मयूर जाधव,सुनील माळी,संतोष माळी,तुषार माळी, वैभव माळी सुरेश माळी,दत्तात्रय माळी,नंदकुमार माळी,बाळासाहेब शेलार,संदेश भेगडे,अतूल शेलार,मनोहर दरवडे,प्रा.लक्ष्मण शेलार,प्रा. उमेश माळी,प्रा.किरण माळी, स्वप्नील माळी यांनी परिश्रम घेतले.
