स्वामी विवेकानंद इंग्लिश स्कूल मध्ये राष्ट्रीय गणित दिवस उत्साहात साजरा..

स्वामी विवेकानंद इंग्लिश स्कूल मध्ये राष्ट्रीय गणित दिवस उत्साहात साजरा..

आवाज न्यूज : तळेगाव दाभाडे प्रतिनिधी, २३ डिसेंबर.

श्री डोळसनाथ महाराज शिक्षण प्रसारक मंडळ संचलित स्वामी विवेकानंद इंग्लिश स्कूलमध्ये विविध गणितीय उपक्रमाद्वारे राष्ट्रीय गणित दिन साजरा करण्यात आला.
कार्यक्रमाची सुरुवात मुख्याध्यापक पर्यवेक्षक व विद्यालयातील गणित शिक्षक यांच्या हस्ते  श्रीनिवास रामानुजन यांच्या प्रतिमेचे पूजन करून करण्यात आली.
विद्यालयातील गणित शिक्षिका संध्या शिंदे यांनी  श्रीनिवास रामानुजन यांच्या कार्यावर प्रकाश टाकला व प्रसिद्ध हार्डी रामानुजन क्रमांक १७२९ या विषयी विद्यार्थ्यांना माहिती दिली. विद्यालयातील विद्यार्थ्यांनी ‘गणिताचे आयुष्यातील महत्व’ या विषयावरील नाटिका व भूमितीय आकारांचे वैशिष्ट्य दाखवणाऱ्या गाण्यावर नृत्य सादर केले तसेच गणित विषयावर प्रश्नमंजुषा स्पर्धा घेण्यात आल्या.

विद्यार्थ्यांनी वर्तुळाचे प्रमेय, समांतर रेषांचे प्रमेय संख्यारेषेवरील क्रिया, गुणोत्तर प्रमाण, भौमितिक आकार व त्यांचे वैशिष्ट्ये, वर्ग व वर्गमूळ काढण्याच्या क्लुप्त्या, घन व घनमूळ शोधण्याच्या क्लुप्त्या इत्यादी विषयावरील तक्ते, प्रतिकृती व शैक्षणिक साहित्य बनवले यासाठी विद्यार्थ्यांना विद्यालयातील गणित शिक्षिका . सुजाता गुंजाळ, संध्या शिंदे .प्रतिभा सिरसाट, .प्रियंका मोहिते, . शाहीन शेख इत्यादी शिक्षकांनी मार्गदर्शन केले.

या स्तुत्य उपक्रमाचे संस्थेचे अध्यक्ष  संतोष खांडगे व उपाध्यक्ष  दादासाहेब उ-र्हे सचिव  मिलिंद शेलार सर शालेय समिती अध्यक्षा  रजनीगंधा खांडगे यांनी कौतुक केले.