राष्ट्रीय बेंच प्रेस स्पर्धेत तळेगावातील खेळाडूंची चमकदार कामगिरी

तळेगाव : गोवा मडगाव येथे 16 ते 20 नोव्हेंबर रोजी पार पडलेल्या राष्ट्रीय बेंच प्रेस स्पर्धेत इंद्रायणी व्यायामशाळेच्या खेळाडूंनी यश मिळवित चमकदार कामगिरी केली आहे.

सबजूनियर,जूनियर,सीनियर मास्टर गटात ईक्यूप व अनयुक्यूप स्पर्धेत नितीन म्हाळस्कर यांनी 80 किलो गट मास्टर 1 मध्ये 145 किलो वजन उचलून कांस्यपदक मिळवले.

तर याच जिमच्या राजश्री वाघचौरे यांनी 76 किलो वजन गटात मास्टर 1 मध्ये 75 किलो वजन उचलून रौप्यपदक व कांस्यपदक पटकावले.

या स्पर्धेसाठी दोन्ही खेळाडूंना शिवछत्रपती पुरस्कार विजेते नितीन म्हाळस्कर यांचे मार्गदर्शन लाभले. दोन्ही खेळाडूंची डिसेंबरमध्ये तुर्की येथे होणाऱ्या आशियाई स्पर्धेसाठी भारतीय संघात निवड झाली आहे.