आरग येथे डॉ.बाबासाहेब आंबेडकरांना अभिवादन
शिराळा प्रतिनिधी
विश्वरत्न विश्वभूषण परमपूज्य डॉ. बाबासाहेब आंबेडकर यांच्यामुळेच महिलांना न्याय मिळाला. महिलांचे मुक्तिदाते म्हणून डॉ. आंबेडकरांचे कार्य नेहमीच स्मरणात राहील. त्यांनी लिहिलेल्या पुस्तकातून व भाषणातून ते नेहमीच प्रेरणा देत राहतील असे प्रतिपादन झलकारी बहुउद्देशीय सेवाभावी संस्थेच्या अध्यक्ष शशिकला गावडे यांनी केले. झलकारी बहुउद्देशीय सेवाभावी संस्था आरग व प्रगतिशील लेखक संघ जिल्हा सांगली यांच्या विद्यमाने ( आरग तालुका मिरज जिल्हा ) सांगली येथे संस्थेच्या कार्यालयात विश्वरत्न डॉ.बाबासाहेब आंबेडकरांच्या महापरिनिर्वाण दिनानिमित्त आयोजित करण्यात आलेल्या अभिवादन कार्यक्रमात त्या बोलत होत्या . संस्थेच्या कार्यालयाबरोबरच आरग येथे असणाऱ्या डॉ. आंबेडकरांच्या अस्थिस्मारकासही महिलांनी अभिवादन केले.यावेळी संस्थेच्या सचिव अधिका बाबर , नंदिता खटावे यांच्यासह कांचन जाधव, सरोजिनी कुंभार, मिराबाई कांबळे, शारदाबाई कांबळे , जयश्री कांबळे, कल्पना किनिंगे, नंदा कांबळे यांच्यासह अन्य सदस्य व महिला उपस्थित होत्या.