देहूरोड : मावळचे आमदार सुनिल शेळके यांच्या सहकार्याने देहूरोड कन्टोनमेंट परिसरातील नागरिकांसाठी काल (30 सप्टेंबर) रोजी महालसीकरण अभियान राबविण्यात आले.
या अभियानाअंतर्गत एकूण 3553 जणांचे लसीकरण करण्यात आले. यात 2621 जणांना कोविशिल्ड व 932 जणांना कोव्हॅक्सिनचा डोस देण्यात आला.
येथील आरोग्य विभाग, खाजगी हॉस्पिटल, डॉक्टर्स, नर्सेस, कर्मचारी, सामाजिक संस्था, राष्ट्रवादी काँग्रेस पक्षाचे सर्व पदाधिकारी व सुनिल अण्णा शेळके युवा मंचचे पदाधिकारी यांनी या लसीकरण मोहिमेसाठी सहकार्य केले.
यावेळी अॅड. प्रवीण झेंडे,ॲड. कृष्ण दाभोळे, हाजीमलंग मारूमुत्तू, भरत नायडू, परशुराम दोडमणी, अतुल मराठे यांचे सहकार्य लाभले.
