पिंपरी चिंचवड मध्ये ७९ अनधिकृत होर्डिंग्ज केले जमिनदोस्त..
पिंपरी चिंचवड मध्ये ७९ अनधिकृत होर्डिंग्ज केले जमिनदोस्त..79 unauthorized hoardings were vandalized in Pimpri Chinchwad.
आवाज न्यूज : पिंपरी चिंचवड प्रतिनिधी, २८ एप्रिल.
किवळे रावेत पोलीस स्टेशनच्या हद्दीत बंगळुरू- मुंबई हायवे, किवळे ओव्हरब्रीजजवळ, सर्व्हिस रोडलगत, शार्वी हॉटेलचे जवळ येथे वादळी वा-यामुळे जाहिरातीचा होर्डिंग येथील पंक्चरच्या दुकानावर कोसळून दुकानात निवा-यासाठी थांबलेल्या लोकांच्या अंगावर कोसळून झालेल्या अपघतात ५ नागरिकांचा मृत्यू झाला होता.
त्याची दखल घेत पिंपरी-चिंचवड महापालिकेच्या आकाश चिन्ह व परवाना विभागाच्या वतीने गेल्या आठ दिवसांत न्यायप्रविष्ट (४३४) सोडून केलेल्या सर्वेक्षणात ८५ अनधिकृत होर्डिंग आढळले. त्यापैकी ७९ होर्डिंग जमीनदोस्त केले. तर, ६ होर्डिंगवर कारवाई राहिली आहे. याबाबतची माहिती सहाय्यक आयुक्त नीलेश देशमुख यांनी दिली.
