नगरसेवक अनिल पाटणकर यांच्या प्रयत्नाने चेंबूरमध्ये आकर्षक वाहतूक बेटाचे लोकार्पण
मुंबई – निवडणुका जवळ आल्या की अनेक राजकीय नेते विकासकामे करत असल्याचे दाखवून देण्यासाठी धडपडत असतात.मात्र मागील पाच वर्षे सातत्याने आपल्या विभागात विविध विकासकामे राबविण्यात मश्गुल राहिलेले बेस्ट समितीचे माजी अध्यक्ष आणि प्रभाग क्रमांक १५३ चे कार्यसम्राट नगरसेवक अनिल पाटणकर यांनी मुंबई महापालिकेच्या माध्यमातून चेंबूरच्या घाटले गाव परिसरात चेंबूर-गोवंडी सीमेजवळ वाहतुक बेटाची आकर्षक उभारणी केली आहे.या वाहतूक बेटाचा लोकार्पण नुकताच थाटात पार पडला.
यावेळी शिवसेना उपनेते सुबोध आचार्य, खासदार राहुल शेवाळे, विभागप्रमुख मंगेश सातमकर,आमदार प्रकाश फातर्पेकर, महिला विभाग संघटिका रिताताई वाघ, नवाकाळचे उपसंपादक शंकर कडव,समाजसेविका मीनाक्षी पाटणकर, चेंबूर विधानसभा संघटक अविनाश राणे, उपविभाग प्रमुख अशोक माहूलकर, महिला उपविभाग संघटिका सुलभा पात्याने, शाखाप्रमुख उमेश करकेरा, महिला शाखा संघटीका अनिता महाडिक, कार्यालय प्रमुख मारूती वाघमारे, युवासेना मुंबई समन्वयक डॉ.अजित गावडे, युवासेना चेंबूर विधानसभा समन्वयक गणेश गायकवाड, युवासेना उपविभाग अधिकारी विनय साठले, युवासेना शाखा अधिकारी विनय शेट्ये, युवतीसेना उपविभाग अधिकारी दिपाली डावल, युवतीसेना शाखा अधिकारी कविता यादव, शिवसेना – युवासेना महिला, पुरुष पदाधिकारी व कार्यकर्ते उपस्थित होते.या संपूर्ण शानदार सोहळ्याचे सूत्रसंचालन चेंबूरचे प्रसिद्ध कवी आणि निवेदनकार गणेश मिरगुले यांनी केले.