खोपोली : एक्सप्रेस वे – वर शनिवारी मध्यरात्री बारा वाजण्याच्या सुमारास भीषण अपघात झाला.या अपघातात तेथे काम करणाऱ्या तीन कामगारांचा मृत्यू झाला आहे. तर दोन जण गंभीर जखमी झाले आहेत.
मिळालेल्या माहितीनुसार, मुंबई-पुणे महामार्गावर खोपोली नजीक सिमेंट काँक्रिटीकरण यासाठी एक टॅकर उभा होता. खासगी बसची या टँकरला धडक बसली व अन्य दोन वाहने बसवर आदळली. त्यामुळे झालेल्या अपघातात दोन कामगार जागीच ठार झाले.तर एकाचा उपचारासाठी नेताना मृत्यू झाला. दोन जखमींना उपचारासाठी रुग्णालयात दाखल करण्यात आले आहे.
