कार्ला : एक स्त्रीच समाज सुसंस्कृत घडवु शकते असे प्रतिपादन कार्ला येथील श्री एकविरा विधालयाचे शिक्षक उमेश इंगुळकर यांनी आज कै. संजय उर्फ आवानाना हुलावळे प्रतिष्ठानचा वतीने जागतिक महीला दिनानिमित्त आयोजित केलेल्या कार्यक्रमावेळी सांगितले.
आज जागतिक महिला दिनाचे औचित्य साधुन प्रतिष्ठानच्या वतीने अतिशय स्तुत्य कार्यक्रमाचे आयोजन करण्यात आले होते.स्वर्गीय हिंदुह्रदय सम्राट बाळासाहेब ठाकरे यांचा जयंतीनिमित्त गावातील महिलांना टपालखात्याअंतर्गत विमा पाॅलिसी प्रतिष्ठानच्या वतीने काढून देण्यात आली.पाॅलिसी पासबुकचे वाटप आज करण्यात आले.
“उद्याची सुसंस्कृत पिढी व आईची भुमिका” या विषयी बोलताना श्री एकविरा विधालयाचे शिक्षक उमेश इंगुळकर व अंगणवाडी पर्यवेक्षिका शुभांगी जोशी यांनी बोलताना सांगितले की, समाज जर सुसंस्कृत घडवायचा असेल स्त्री शक्ती जागृत होणे आजच्या काळात फार महत्वाचे आहे.स्त्रीवर कुंटुबाची फार मोठी जबाबदारी असते.स्त्रीने ठरविले तर ती आपले कुंटुब सुसंस्कृत करू शकते .आदर्श कुंटुब,आदर्श मुलं घडविण्याची क्षमता फक्त स्त्रीमध्ये आहे असे सांगितले. संजय गांधी निराधार योजनेचे तालुका सदस्य संतोष गिरी यांनी सांगितले की, शासनाच्या अनेक योजना आहे ,त्याचा लाभ घेण्यासाठी महिलांनी पुढे आले पाहीजे. टपाल खात्याचे अधिकारी विवेक पांडे यांनी टपाल खात्याच्या योजनांची माहिती उपस्थित महिलांना दिली.प्रतिष्ठानच्या वतीने नियोजन केलेल्या व कार्ला गावातील महिलांची मोठी उपस्थिती होती.
या स्तुत्य कार्यक्रमास कार्ला ग्रामपंचायतीचा सरपंच दिपाली हुलावळे,प्रतिष्ठानचे अध्यक्ष भाऊसाहेब हुलावळे,प्रतिष्ठानचा सचिव व ग्रामपंचायत सदस्या वत्सला हुलावळे,सदस्या सोनाली मोरे,उज्ज्वला गायकवाड,भारती मोरे,अंगणवाडी माजी पर्यवेक्षिका शुभांगी जोशी,शिक्षक उमेश इंगुळकर,टपाल खात्याचे अधिकारी विवेक देशपांडे,सिध्देश्वर कांबळे,संजय गांधी निराधार योजनेचे तालुका सदस्य संतोष गिरी,प्रतिष्ठानचे सदस्य रमेश जाधव,भरत हुलावळे,आदेश हुलावळे,अमर गुरव,अक्षय केदरी,बाळु हुलावळे,उपस्थित होते.उपस्थित महीलांच्या वतीने सरपंच दिपाली हुलावळे,बेबी हुलावळे,सौ श्रीदेवी उपासे यांनी एक स्त्री काय करू शकते याबाबत मनोगत व्यक्त केले.कार्यक्रमाचे प्रास्ताविक वत्सला हुलावळे यांनी केले तर सुत्रसंचालन भाऊसाहेब हुलावळे यांनी तर आभार रमेश जाधव यांनी मानले.
