प्रतिभा इंटरनॅशनल स्कूल अँड ज्यूनियर कॉलेज (सी.बी.एस.ई बोर्ड) मध्ये शिवजयंती मोठ्या उत्साहात साजरी
प्रतिभा इंटरनॅशनल स्कूल अँड ज्यूनियर कॉलेज (सी.बी.एस.ई बोर्ड) मध्ये शिवजयंती मोठ्या उत्साहात साजरी.
आवाज न्यूज : चिंचवड प्रतिनिधी २० फेब्रुवारी.
कमला एज्युकेशन सोसायटीचे प्रतिभा इंटरनॅशनल स्कूल अँड ज्यूनियर कॉलेज (सी.बी.एस.ई बोर्ड) मध्ये शिवजयंती मोठ्या उत्साहात साजरी करण्यात आली.
विद्यालयात ढोल-ताशांच्या गजरात छत्रपती शिवाजी महाराजांचा जयजयकार करण्यात आला. शिवजयंती निमित्त विद्यालयात रांगोळी स्पर्धा चित्रकला स्पर्धा व सांस्कृतिक कार्यक्रम सादर करण्यात आले. यात छोट्या विद्यार्थ्यांनी छत्रपती शिवाजी महाराजांची वेशभूषा केली होती. विद्यार्थ्यांनी शिवचरित्राची माहिती दिली तर विद्यार्थी ईशान गाडेकर व शिवराज निलांगी यांनी तालासुरात पोवाडा सादर केला. यावेळी कमला एज्युकेशन सोसायटीचे संस्थापक सचिव डॉ. दीपक शहा, खजिनदार डॉ. भूपाली शहा, विद्यालयाच्या मुख्याध्यापिका सविता ट्रॅवीस व उपमुख्याध्यापिका लिजा सोजू उपस्थित होत्या. मुख्याध्यापिका सविता ट्रॅवीस यांनी विद्यार्थ्यांना छत्रपती शिवाजी महाराजांच्या चरित्रातून साहसी व शूर होण्याविषयी शिकवण घेण्यास सांगितले.
कार्यक्रमाचे सूत्रसंचालन शिक्षिका आरती सुतार यांनी केले. क्रार्यक्रम यशस्वी करण्यासाठी सर्व शिक्षक व शिक्षकेत्तर कर्मचार्यांनी योगदान दिले.
