सर्वपिञी आमावस्या बैलपोळा निमित्ताने बैलजोडी खरेदीसाठी गर्दी.Crowd to buy pair of bullocks on the occasion of Sarvapinthi Amaavsya bullocking.
आवाज न्यूज : मच्छिंद्र मांडेकर, लोणावळा प्रतिनिधी, १३ ऑक्टोबर.
बैल अमावस्या निमित्ताने बैलजोडी खरेदीसाठी गर्दी होत आहे. या आमावस्येला बैलपोळा सण मावळमधे साजरा करतात.पन्नास , शंभर रूपये ते दोन आडीच हजारापर्यत बैलजोडी लोणावळा , कार्लाफाटा येथे विक्रीसाठी आली आहे.
सर्वपिञी आमावस्या या आमावस्येला मावळ तालुक्यातील गावोगावी बैलपोळा सण मोठ्या उत्साहामधे शेतक-यांचे वतीने साजरा केला जातो.चार महिने ओला चारा खायला घालून बैलांची चांगली जोपासना केली जाते.
वर्षभर शेतात कष्ट करणा-या बैलांना आंघोळ घातली जाते, त्यांना रंगविले जाते.त्यांची शिंगे आॕईलपेंटने रंगवून त्यांना बेगड लावले जाते.गळ्यात घाटी, घुंगूर, शिंगाला गौंडे, कपाळपठ्टी , पाठीवर झूल टाकून बैलांना ओवाळून पुरणपोळी खाऊ घातली जाते..अशा या बैलपोळा सणाला साजरा करतानना चवराचे रंगवलेले गौंडे बांधले जातात.
काही शेतक-यांचे गोठ्यात आर्थिक परिस्थिती नसल्यामुळे बैलच राहिले नाहीत, ते शेतकरी त्यांचे हौसेने मातीचे बैल बनवतात. किंवा अनेक शेतक-यांचे पुञ मातीचे बैलजोडी ची खरेदी करतात.त्यांची पूजा करून नैवेद्य दाखवतात.
बळीराजा सुखी भव म्हणून शिवाचा नंदी शेतक-यांचे पुञाला आशिर्वाद देतात. महिला, पुरूष, लहान बच्चे कंपनीकडून बैलांची मनोभावे पूजा केली जाते.
त्यामुळे लोणावळा व कार्लाच्या फाटा येथे खरेदीसाठी बळीराजांची गर्दी दिसली.
