बेकायदा शस्ञ बाळगणारा व पुरवठा करणाऱ्या दोघाजणांना ग्रामिण पोलिसांनी केले गजाआड
लोणावळा : बेकायदा शस्ञ बाळगणारा व पुरवठा करणाऱ्या दोघांना ग्रामिणचे पोलिसांकडून गजाआड करण्यात आले आहे.३१ डिसेंबर व नववर्षाचे पूर्वसंध्येला कायदा व सुव्यवस्था राखण्यासाठी लोणावळा ग्रामिण पोलिसांनी पोलिस ठाण्याचे कार्यक्षेञात बेकायदा शस्ञ बाळगणा-या आरोपीचा शोध व माहिती घेण्याची विशेष मोहीम हाती घेतली आहे.
मळवलीजवळ देवले येथे एका आरोपीस विनापरवाना एक गावठी बनावटीचे पिस्तूल व एक जिवंत काडतूसासह अटक केली आहे. त्यास पिस्तूल देणाऱ्यासही पोलिसांनी अटक केली आहे.
प्रशांत शांताराम आंबेकर ( रा.देवले , ता.मावळ ) असे विनापरवाना पिस्तूल बाळगल्याप्रकरणी अटक करण्यात आलेल्या आरोपीचे नाव आहे. आनिकेत अशोक कालेकर ( रा . काले,पवनानगर,ता.मावळ) असे पिस्तूल पुरवठा करणाऱ्याचे नाव आहे.
लोणावळा ग्रामिण पोलिसांनी दिलेल्या माहितीनुसार मळवली व देवले परिसरात एक तरूण विनापरवाना अग्निशस्ञ (पिस्तूल ) बाळगत संशयास्पद फिरत असल्याची माहिती ग्रामिण पोलिसांना एका गुप्त खब-याकडून मिळाली. त्यानुसार पुणे ग्रामिणचे पोलिस अधिक्षक डा.अभिनव देशमुख ,अप्पर पोलिस अधिक्षक मितेश गिट्टे तसेच उपविभागीय पोलिस अधिकारी राजेंद्र पाटील यांचे मार्गदर्शनाखाली व लोणावळा ग्रामिणचे पोलिसनिरिक्षक प्रविण मोरे यांनी सापळा लावला.
यावेळी सहाय्यक पोलिस निरिक्षक सचिन बनकर , आनिल लवटे, पोलिस कर्मचारी शांताराम बोकड, अमित ठोसर, विजय गाले, शकील शेख, गणेश होळकर ,शरद जाधवर, किशोर पवार,सिध्देश शिंदे यांनी मळवली देवले रोडवर सापळा लावून प्रशांत आंबेकर यास ताब्यात घेतले व त्याची आंगझडती घेतली असता त्याने आनिकेत अशोक कालेकर याने हे पिस्तूल दिल्याचे सांगितले . पोलिसांनी अनिकेत कालेकर यास ताब्यात घेतले व त्यास तात्काळ अटक केली.
या प्रकरणी दोघांच्या विरोधात बेकायदा आग्निअस्ञ बाळगणे व पुरवठा करणे असा महाराष्ट्र पोलिस कायदा कलम १३५ भा .द.वि कलम ३४ व अग्निशस्ञ कायदा कलम ३( २५ ) नुसार गुन्हा दाखल केला आहे. त्यांना वडगा न्यायालयात हजर केले असता न्यायालयाने ता.१ जानेवारी पर्यंत पोलिस कोठडी सुनावली आहे. पुढील तपास लोणावळा ग्रामिण पोलिस स्टेशनचे फौजदार सचिन बनकर करीत आहे.
